ORTGA Sizning natijangiz 0%
0

Yulduzchalar soni

02026

0Jami

Yulduzchalarni yig'ish uchun o‘yinlarni o‘ynang va yulduzachalar sonini oshiring!

Mening yulduzlarim
Reyting

Ishtirokchilar reytingi

Reytingni ko'rish
O‘zbekcha

Imkoniyatlar

Tungi rejim
Audio sifatida eshitish
Shrift o'lchami

Bolalarni oilaga tarbiyaga olish (patronat)

Mavzular
1
Bolani oilaga tarbiyaga berish tartibi
2
Oilaga tarbiyaga olingan bolalarning huquqlari
3
Tutingan ota-ona
4
Bolalarni tarbiyaga olgan shaxslarning javobgarligi
5
Bolalarning turmush sharoitlarini va ularning tarbiyalanishini kuzatib borish
Bolani oilaga tarbiyaga berish tartibi

Bolani tanlash va rozilik

Bolani oilaga tarbiyaga olishni xohlagan shaxs vasiylik va homiylik organlari bilan kelishilgan holda bolani oldindan tanlaydi.
Bolalarni oilaga tarbiyaga berish ularning xohishini hisobga olgan holda amalga oshiriladi. 10 yoshga toʻlgan bolalar faqat oʻz roziligi bilan oilaga tarbiyaga beriladi (Oila kodeksi, 194-modda).

Kelishuv tuzish

Bolani oilaga tarbiyaga berish faqat vasiylik va homiylik organi bilan tutingan ota-ona oʻrtasida tuziladigan kelishuv asosida amalga oshiriladi.

Bu kelishuvda quyidagilar koʻrsatiladi:

- bolaning taʼminoti, tarbiyasi va taʼlimi bilan bogʻliq majburiyatlar;

- tutingan ota-onaning huquq va burchlari;

- vasiylik va homiylik organining nazorati va majburiyatlari;

- kelishuvni bekor qilish asoslari va oqibatlari.

Shaxsning turmush sharoiti va sogʻligʻini tekshirish

Kelishuv tuzilishidan oldin vasiylik va homiylik organi bolani tarbiyaga olishni xohlagan shaxsning turmush sharoitini, yashash sharoiti va oila aʼzolarining sogʻligini tekshiradi. Bu bola manfaatini taʼminlash uchun zarur chora hisoblanadi.

Bolalarni tarbiyaga olish toʻgʻrisidagi kelishuv uzrli sabablar (kasalligi, oilaviy yoki mulkiy mavqeining oʻzgarishi, tarbiyasidagi bolalar bilan oʻzaro bir-birini tushunmaslik va boshqa sabablar) mavjud boʻlsa, bolalarning tutingan ota-onasi tashabbusi bilan, shuningdek vasiylik va homiylik organlarining tashabbusi bilan yoki bola ota-onasiga qaytarilgan yoxud bola farzandlikka olingan taqdirda muddatidan ilgari bekor qilinishi mumkin.

Bolalarni oilaga tarbiyaga olish toʻgʻrisidagi kelishuvni bekor qilishga oid nizolar sud tartibida hal qilinadi.
 

Oilaga tarbiyaga olingan bolalarning huquqlari

Oilaga tarbiyaga berilgan bolalar:

- oʻzlariga tegishli boʻlgan aliment, shuningdek pensiya, nafaqa va boshqa ijtimoiy toʻlovlarni olish;

- uy-joyga boʻlgan mulk huquqi yoki uy-joylardan foydalanish;

- qonunchilikka muvofiq uy-joy olish huquqlarini saqlab qoladilar.

Oilaga tarbiyaga berilgan bolalar oʻz huquq va manfaatlarini himoya qilish, ota-onasi va qarindoshlari bilan koʻrishish huquqiga ham egadirlar. Bolaning manfaatiga daxldor har qanday masala oilada hal qilinayotganida bola oʻz fikrini bildirishga haqli.

Tutingan ota-ona

Voyaga yetgan har ikki jinsdagi shaxslar tutingan ota-ona boʻlishlari mumkin, quyidagilar bundan mustasno:

- sud tomonidan muomalaga layoqatsiz yoki muomala layoqati cheklangan deb topilgan shaxslar;

- sud tomonidan ota-onalik huquqidan mahrum qilingan yoki ota-onalik huquqi cheklangan shaxslar;

- qonun bilan oʻz zimmasiga yuklatilgan majburiyatni lozim darajada bajarmaganligi uchun vasiylik yoki homiylik vazifalarini bajarishdan chetlashtirilgan shaxslar;

- ilgari farzandlikka bola olgan, lekin tegishli asoslar boʻyicha sud tomonidan farzandlikka olish bekor qilingan shaxslar;

- qasddan qilgan jinoyatlari uchun ilgari hukm qilingan shaxslar;

- sogʻligʻining holatiga koʻra bolani tarbiyalash majburiyatini bajara olmaydigan shaxslar.

Tutingan ota-onalarni tanlash vasiylik va homiylik organlari tomonidan amalga oshiriladi. Tutingan ota-ona tarbiyaga olingan bolaga nisbatan vasiylik huquq va majburiyatlariga egadir.

Bolalarni tarbiyaga olgan shaxslarning javobgarligi

Bolalarni tarbiyaga olgan shaxslar oʻz huquqlaridan gʻarazgoʻylik yoki boshqa past niyatlarda, tarbiyasidagi bolalarga zarar keltirgan holda foydalansalar, shuningdek ularni nazoratsiz hamda zarur moddiy yordamsiz qoldirsalar, vasiylik va homiylik organi bolalarni tarbiyaga olgan shaxslarni qonunda belgilangan tartibda javobgarlikka tortish masalasini qoʻzgʻatishga haqli.

Bolalarning turmush sharoitlarini va ularning tarbiyalanishini kuzatib borish

Vasiylik va homiylik organlari oilaga tarbiyaga berilgan bolalarning turmush sharoitlarini va ularning tarbiyalanishini kuzatib boradilar.

Tizimga kirish

Ro‘yxatdan o‘tish

Ro‘yxatdan o‘tishga yordam kerakmi?
Chat