Bolaning ismi va familiyasini o‘zgartirish

Ism-familiyani o‘zgartirish haqidagi arizalar ariza beruvchi 16 yoshga to‘lgandan keyin  u yashab turgan joydagi FHDYo organi tomonidan ko‘rib chiqiladi.

- Agar 16 yoshga to‘lgan shaxs pasport yoki o‘rnini bosuvchi shaxsni tasdiqlovchi boshqa hujjat olgunga qadar ism-familiyasini o‘zgartirish haqida ariza bersa, u holda arizaga tug‘ilganlik haqida guvohnoma ilova qilinadi.

- Ism-familiyasini o‘zgartirish ichki ishlar organlari xulosasi asosida amalga oshiriladi.

- Ism-familiyasini o‘zgartirish to‘g‘risidagi ariza berilgan kundan boshlab 2 oy mobaynida ko‘rib chiqiladi. Uzrli sabablar (ishni rasmiylashtirish uchun zarur bo‘lgan dalolatnoma yozuvi nusxalarining boshqa FHDYo organlaridan, ichki ishlar organlari xulosasining kechikib olinishi va boshqalar) mavjud bo‘lganda FHDYo organi mudiri ushbu muddatni 15 kundan ko‘p bo‘lmagan muddatga uzaytirishi mumkin.

- Ushbu xizmatni Yagona interaktiv davlat xizmatlari portali (my.gov.uz) orqali amalga oshirish mumkin.

“Davlat tili to‘g‘risida”gi O‘zbekiston Respublikasi Qonunining 15-moddasiga muvofiq quyidagi holatlarda familiya, ism va ota ismini o‘zgartirishga yo‘l qo‘yiladi:

- sudning hal qiluv qarori asosida;

- agar familiya va ism eshitilishda yoqimsiz bo‘lsa;

- agar shaxsning familiyasi va ismi millatiga to‘g‘ri kelmasa;

- xohishiga qarab, o‘zining nikohgacha bo‘lgan familiyasiga (nikohda turgan davrida ham nikohdan ajratilgandan keyin ham) qaytishda;

- oila uchun umumiy familiyada bo‘lish istagi paydo bo‘lganda (agar nikoh tuzish paytida er-xotin umumiy familiya qabul qilishmagan bo‘lsa);

- bolalarning ota yoki ona bilan bir xil familiyada bo‘lish, onasining nikohgacha bo‘lgan familiyasida bo‘lish, o‘gay otaning yoki vasiysining familiyasida bo‘lish istagi paydo bo‘lganda;

- 16 yoshga to‘lgan shaxsga nisbatan otalikni belgilashda ko‘rib chiqiladi.

Familiyasi, ismi, otasining ismini o‘zgartirish to‘g‘risidagi arizaga quyidagi hujjatlar ilova qilinadi:

- ariza beruvchining tug‘ilganlik haqidagi guvohnomasi;

- agar ariza beruvchi nikohda turgan bo‘lsa, u holda nikoh tuzilganligi haqidagi guvohnomasi, agar nikohdan ajratilgan bo‘lsa, nikohdan ajratilganlik haqidagi guvohnomasi;

- agar ariza beruvchining voyaga yetmagan bolalari bo‘lsa, u holda bolalarining tug‘ilganlik haqidagi guvohnomalari;

- agar ariza beruvchi voyaga yetmagan yoki sud qarori bilan muomalaga layoqatsiz deb topilgan bo‘lsa, u holda ota-onasining yoxud vasiy yoki homiyning arizasi;

Quyidagi holatlarda ichki ishlar organlari tomonidan familiyasi, ismi, otasining ismi o‘zgartirilishi maqsadga muvofiq emasligi to‘g‘risida fikr berilishi mumkin:

- agar shaxs o‘zi to‘g‘risida bila turib soxta yoki noto‘g‘ri ma’lumotlarni taqdim etgan bo‘lsa;

- agar shaxs surishtiruv, tergov yoki sud  organi tomonidan qidirilayotgan bo‘lsa (qidiruv bekor qilingunga qadar);

- agar shaxsga nisbatan jinoyat ishi qo‘zg‘atilgan bo‘lsa, ish yuzasidan uzil-kesil sud qarori yoki boshqa qaror qabul qilinguniga qadar.

1 oy.

Yo‘q, sabab bo‘lmaydi.

Ota-onalardan har ikkalasining familiyasi o‘zgartirilishi 16 yoshga to‘lmagan bolalari familiyasining ham o‘zgartirilishiga sabab bo‘ladi.

Agar ota-onadan biri familiyasini o‘zgartirsa, ularning voyaga yetmagan bolalarining familiyasini o‘zgartirish masalasi ota-onalarning kelishuviga binoan, bunday kelishuv bo‘lmaganda esa – vasiylik va homiylik organi tomonidan hal etiladi.

16 yoshdan 18 yoshgacha – BHMning 50 foizi;

18 yoshdan katta – BHMning 1 baravari.