VOSIQ International School

“VOSIQ International School” O‘zbekiston Respublikasidagi eng ilg‘or nodavlat ta’lim muassasalaridan biridir. Tashkilotning maqsadi talabalarning qiziqishlari, ijodiy salohiyati va individual qobiliyatlarini inobatga olgan holda shaxsning har tomonlama rivojlanishini, muloqot qobiliyatlarini, tahliliy fikrlashni, mantiqiy va jismoniy tarbiyani ta’minlashdan iborat.

Muassasada xalqaro darajadagi yuqori malakali xorijlik mutaxassislar ishlaydi. Professor-o‘qituvchilar xalqaro malaka oshirish kurslarida o‘z kasbiy saviyasini muntazam oshirib bormoqda. Shunga ko‘ra, ular xalqaro maydonda o‘z samarasini isbotlagan yangi pedagogik dasturlar, taktika va o‘qitish uslublarini o‘zlashtirmoqda. Shuningdek, talaba va o‘quvchilar taekvondo, ushu, yunon-rum kurashi, shuningdek, suzish bo‘yicha o‘zlarini sinab ko‘rish imkoniga ega. Bizning kompleksimizda turli yoshdagi toifalar uchun ikkita yopiq basseyn mavjud bo’lib, ular eng ilg’or isitish va suv filtrlash tizimi bilan jihozlangan.