“Ishki isler uyımlarınıń hayal-qızlar máseleleri boyınsha bólimleri janındag'ı  “To'maris izdoshlari” jámáátlik toparları iskerligin shólkemlestiriw ilajları haqqında”g'ı Húkimet qararı (21-san, 19.01.2023-j.) qabıl etildi

Qararg'a kóre, 2023-jıl 1-iyunnan jasi 18 den kishi hám 30 dan úlken bolmaǵan, ulıwma orta yamasa orta arnawlı maǵlıwmatlı, biriktirilgen aymaqta turaqlı jasawshı hámde baylanısqa kirisiwsheń hám shólkemlestiriwshilik qábiletine iye hayal-qızlardı valantyor tiykarda tartıw arqalı “To'maris izdoshlari” jámáátlik toparları iskerligi shólkemlestiriledi.

Usı toparlardıń tiykarǵı wazıypalarınan biri orta, orta arnawlı hám professional bilimlendiriw mákemelerinde oqıp atırǵan qızlardıń minez-hulqına unamsız tásir kórsetip atırǵan hámde olardıń huqıq hám mápleri buzılıwı menen baylanıslı máselelerdi anıqlawda kómeklesiw esaplanadı.

Toparlar respublikanıń barlıq rayon (qala)larında 2 adamnan (kriminogen jag'day awır bolg'an rayon (qala)larda 3 adamnan) ishki isler uyımları hayal-qızlar máseleleri boyınsha bólimleri janında shólkemlestiriledi.

Topar ag'zaları 1 jıl dawamında oqıw hám jumıs prosessine unamsız tásir etpegen halda ulıwma 360 saat waqıt dawamında jumıs alıp baradı.

Hayal-qızlar ortasında huqıqbuzarlıqlar profilaktikasına hám hayal-qızlardıń huqıq hám erkinliklerin qorg'awg'a múnásip úles qosqan “To'maris izdoshlari” jámáátlik toparları ag'zalarına Ishki isler ministrligi Jámiyet qáwipsizligi departamenti baslıg'ınıń usınısına tiykar huqıq-qorg'aw uyımlarınıń joqarı bilimlendiriw mákemesine saylap alıwdıń barlıq basqıshlarınan tabıslı ótkennen keyin jeke tártiptegi sáwbetsiz (test sınaqlarısız) kvota tiykarında oqıwg'a kiriw huqıqı beriledi. 

Usınıs berilgen talabanlar sanı belgilengen kvotadan kop bolg'an jag'dayda, olardı oqıwg'a qabıl etiw tańlaw nátiyjeleri boyınsha toplang'an ballardan kelip shıg'ıp, ajratılg'an qabıl kvotaları sheńberinde izbe-izlik tártipte bólistirilgen halda ámelge asırıladı.