ARTQA Siziń nátiyjeńiz 0%

Ulıwma orta bilimlendiriw haqqındaǵı elektron gúwalıqlardı beriw tártibi belgilendi

12:18 - 08.05.2023
696

Húkimet qararı (44–san, 31.01.2023-j.) menen Ulıwma orta bilimlendiriw haqqındaǵı elektron gúwalıqlardı beriw tártibi haqqındaǵı reje tastıyıqlandı.

Rejege kóre, pitiriwshilerge tómendegi túrdegi gúwalıqlar beriledi:

  • tayanısh orta bilimlendiriw haqqında gúwalıq (9-klass);
  • tayanısh orta bilimlendiriw haqqındaǵı ayırıqsha dárejeli gúwalıq (9-klass);
  • ulıwma orta bilimlendiriw haqqındaǵı gúwalıq (11-klass);
  • ulıwma orta bilimlendiriw haqqında (gúmis medal menen) gúwalıq (11-klass);
  • ulıwma orta bilimlendiriw haqqındaǵı ayırıqsha dárejeli (altın medal menen) gúwalıq (11-klass);
  • psixikalıq rawajlanıwında nuqsanı bolǵan balalar ushın qánigelestirilgen mektepti (mektep-internattı) tamamlaǵanlıq haqqındaǵı sertifikat.

Gúwalıq ózbek hám inglis tillerinde qaliplestiriledi.

Buyırtpa beriw hám gúwalıqtı qáliplestiriw “Elektron gúwalıq” málimleme sisteması arqalı ámelge asırıladı.

Bunda hár jılı 1-dekabrge shekem pitiriwshi haqqında tiyisli maǵlıwmatlar platformaǵa kirgizilip, buyırtpa qáliplestiriledi.

Gúwalıqlar pitiriwshilerge hár jılı 20-iyunǵa shekem beriledi.

Pitiriwshiler gúwalıqtı elektron platformadan shaxstı tastıyıqlawshı hújjetler haqqındaǵı maǵlıwmatlardı kirgiziw arqalı pulsız júklep alınadı.

Qararǵa kóre, 2022/2023 oqıw jılı juwmaǵınan “Elektron gúwalıq” málimleme sistemasına pitkeriwshiler haqqındaǵı maǵlıwmatlar kirgizilip barıladı.

Chat