O‘qituvchilar uchun yangi imtiyozlar: ipoteka, kredit va kontrakt yengilliklari

Mavzular

Ipoteka, kontrakt va kreditlar: O‘qituvchilarga qanday yordam beriladi?

Pedagog xodimlar uchun malaka va rag‘batlantirish tizimiga oid yangiliklar

Pedagoglar uchun ichki turizmda qanday imtiyozlar bor?

Ipoteka, kontrakt va kreditlar: O‘qituvchilarga qanday yordam beriladi?

Pedagog xodimlarga ipoteka, kredit va kontrakt masalalarida bir qator yengilliklar berilgan bo‘lib, ular quyidagilarni o‘z ichiga oladi:

- 2026-yildan kamida 15 yil stajga ega oliy toifali pedagoglarning ipoteka krediti boshlang‘ich badalining 25 foizi davlat hisobidan qoplab berish;

- davlat oliygohlariga o‘qishga kirgan pedagoglar farzandlarining kontrakt to‘lovlariga 30 foiz chegirma qo‘llanilishi;

- o‘qituvchilar uchun yangi ta’lim texnologiyalarini keng joriy etish maqsadida 10 mln so‘mgacha imtiyozli kredit asosida kompyuter xarid qilish imkoniyati yaratilishi;

- pedagoglar uchun davlat xizmatlari to‘lovlari ikki baravarga kamaytiriladi.

Pedagog xodimlar uchun malaka va rag‘batlantirish tizimiga oid yangiliklar

Pedagog xodimlar uchun malaka va rag‘batlantirish tizimiga oid yangiliklar quyidagilar:

- boshlang‘ich ta’lim o‘qituvchilari uchun milliy sertifikatlash tizimi joriy qilinib, sertifikat olganlarga har oy 15 foizlik ustama beriladi;

- bakalavr bosqichini imtiyozli diplom bilan tamomlab, maktabga ishga kirganlarga avtomatik tarzda 2-malaka toifasi, magistrlarga esa 1-malaka toifasi beriladi;

- dunyoning TOP-300 talik oliygohlariga o‘qishga kirgan pedagoglarga 20 ming dollargacha imtiyozli ta’lim krediti ajratiladi.

Pedagoglar uchun ichki turizmda qanday imtiyozlar bor?

Reytingda yuqori o‘rinlarni egallagan ta’lim muassasalarida ishlayotgan pedagoglar uchun qo‘shimcha imkoniyatlar yaratiladi. Xususan, TOP-100 talikka kirgan maktab va bog‘chalar, TOP-20 talik texnikumlar hamda TOP-10 ta oliygoh pedagoglariga yiliga bir marta O‘zbekiston bo‘ylab sayohat qilish uchun samolyot va poyezd chiptalariga 15–20 foizlik chegirma beriladi.

Loyiha haqida Sayt xaritasi
Yo‘riqnoma

O‘qituvchilar uchun yangi imtiyozlar: ipoteka, kredit va kontrakt yengilliklari

Tizimga kirish