Al-Beruniy nomidagi xalqaro maktab-internati

Al-Beruniy nomidagi xalqaro maktab-internati — Toshkent shahrida yangi tashkil etilgan davlat ta’lim muassasasi bo‘lib, 2025-yil 15-maydagi PF-86-sonli Prezident Farmoni asosida faoliyat boshlagan. Maktab “Iqtidorli bolalar dasturi” doirasida tashkil etilgan bo‘lib, mamlakatimizdagi iste’dodli yoshlarni yuqori sifatli ta’lim bilan ta’minlashga qaratilgan.

         Ta’lim tizimi va boshqaruv:

         Maktab IB (International Baccalaureate) dasturi asosida ta’lim beruvchi davlat ta’lim muassasasi hisoblanadi.

Faoliyati Kuzatuv kengashi tomonidan muvofiqlashtiriladi. Tashkiliy va moliyaviy boshqaruvni ijrochi direktor, ta’lim-tarbiya jarayonini esa akademik direktor amalga oshiradi.

IB dasturi afzalliklari:

IB – maktabning asosiy ta’lim modeli bo‘lib, bitiruvchilar davlat namunasidagi shahodatnoma bilan bir qatorda xalqaro IB diplomini ham qo‘lga kiritadilar.

Ta’lim variativ rejalar asosida yo‘lga qo‘yilgan bo‘lib, o‘quvchilar ingliz tilidan tashqari kamida bitta xorijiy tilni o‘rganadilar.

O‘quvchilar imkoniyatlari:

Maktab dunyoning TOP-50 reytingidagi oliy ta’lim muassasalariga tayyorlashga ixtisoslashgan.

Birituvchilar ushbu universitetlarga kamida 50 foiz grant asosida qabul qilinganda, ularning yashash va o‘qish xarajatlari davlat tomonidan qoplab beriladi.