Qozog‘iston Madaniyat va axborot vazirligi 16 yoshgacha bo‘lgan bolalar va o‘smirlarning ijtimoiy tarmoqlarga kirishini cheklovchi qonun loyihalarini ishlab chiqdi. Bu haqda respublika hukumati matbuot xizmati xabar bermoqda. 

Qonun loyihalari allaqachon ekspertizadan o‘tkazilgan va jamoatchilik muhokamasiga qo‘yilgan. Ularni amalga oshirish uchun ijtimoiy tarmoq foydalanuvchilarining yoshini tekshirish mexanizmlarini va qoidabuzarliklar uchun javobgarlik choralarini yaratish rejalashtirilgan, deya aniqlik kiritdi hukumat.

Bundan tashqari, aholining media savodxonligini oshirish va mustaqil ommaviy axborot vositalarini qo‘llab-quvvatlashga alohida e’tibor qaratiladi.