Ota-onalar va yaqinlaringiz bilan aloqani yo‘qotmang.

Ota-onangiz fikrlari va maslahatlarini hurmat qiling, gaplariga diqqat bilan quloq soling, ularga nisbatan mehribon bo‘ling. Shunda siz ulardan kelajakda kerak bo‘ladigan ko‘p narsalar haqida bilib olasiz.

Yaxshi ko‘nikmalarni o‘rganing.

Zamonaviy hayot tarzi ota-onalar bilan doimo vaqt o‘tkazishni imkonsiz qiladi. Ota-onalaringiz turli vaziyatlarda qanday ehtiyot choralarini ko‘rayotganiga e’tibor bering, ularni tushunib oling va keyin o‘zingiz mustaqil qo‘llashni boshlang.

Yoping va qulflang.

Yopish va qulflash sizning doimiy odatingizga aylanishi kerak.

Uy yoki mashinaning qulflanmagan eshiklari o‘g‘rilar uchun juda qulay imkoniyat hisoblanadi. Shu bois, shunchaki ularni yopish va qulflash orqali siz o‘zingiz, yaqinlaringiz va uyingizni har qanday tajovuzlardan himoya qilasiz.

Ota-onangiz ko‘z oldida bo‘ling.

Agar siz parkda yoki ko‘chada yolg‘iz yursangiz, oilaviy yurganingizdan ko‘ra o‘zingizni ko‘proq xavf ostiga qo‘yasiz. Shu bois, odamlar gavjum joyda bo‘lish turli xil ko‘ngilsizliklarning oldini oladi.

Agar siz muammoga duch kelsangiz yoki shunchaki qo‘rqsangiz, unda siz uchun eng foydali jihat - bu ota-onangiz oldida bo‘lishdir.

Har qanday ma’lumotlarni tekshiring.

Tekshirish odati sizni mumkin bo‘lgan xavf haqida ogohlantiradigan kuzatuv, tushuncha va hissiyot rivojlanishiga yordam beradi.

Buning uchun atrof-muhitdagi eng kichik o‘zgarishlarga e‘tiborli bo‘ling hamda jismoniy mashqlar bilan bu tuyg‘uni rivojlantirib boring. Bu esa sizga ongli ravishda qaror qabul qilishga va xatoga yo‘l qo‘ymaslikka yordam beradi.

Janjal qilmang.

Bolalar va kattalar o‘rtasida yuzaga keladigan barcha janjallarning katta qismini o‘zaro kelishmovchiliklar tashkil qiladi. Agar siz o‘zingizni yaxshi tutishni o‘rgansangiz, bu sizga janjaldan qochishga yordam berishdan tashqari, yangi do‘stlar orttirish imkoniyatini ham yaratadi.