Balalardı olardıń sawlıgına zálel jetkeziwshi informaciyadan qorǵawGloballasıw processinde informaciya júdá tez tarqaladı. Informaciyanı alıw múmkinshiliginiń keń ekenligi bolsa, onı tabıw hám tarqatıwǵa jay jaratadı.
Informaciyanıń tez tarqalıwı nátiyjesinde kerekli maǵlıwmatlar menen bir qatarda, milliy-ruwxıy qarawlarimizga unamsız tásir kórsetetuǵın informaciyalar da tarqalıp atır. Ásirese, bul zıyanlı informaciyalar balalardıń rawajlanıwı hám jetilisiwine unamsız tásir kórsetedi. Usınıń sebepinen de, balalardı olardıń sawlıgına zálel jetkeziwshi informaciyadan qorǵaw nızam menen tártipke salınǵan.
Maǵlıwmat ushın : balalar sawlıgına zálel jetkeziwshi informaciya - balalar ortasında tarqatılıwı qadaǵan etilgen yamasa sheklengen informaciya ónimleri túsiniledi.
Balalardı olardıń sawlıgına zálel jetkeziwshi informaciyadan qorǵaw qásiyetlerine tómendegiler kiredi. Birinshiden,bul iskerlik nızam menen tártipke salınǵan. “Balalardı olardıń sawlıgına zálel jetkeziwshi informaciyadan qorǵaw tuwrısında”gi Nızam hám de Ministrler Mákemesiniń 2018-jıl 22-oktyabrdegi 848-san sheshimi menen tastıyıqlanǵan Informaciya óniminiń jasqa tiyisli klassifikaciyaların anıqlaw kriteryaları hám de onı ekspertizadan ótkeriw tártibi tuwrısındaǵı qaǵıyda qabıl etilgen. Ekinshiden,balalardıń sawlıgına zálel jetkeziwshi informaciyadan qorǵaw salasında mámleket siyasatınıń tiykarǵı baǵdarları belgilengen.
Bunda, balalardı olardıń sawlıgına zálel jetkeziwshi informaciyadan qorǵawǵa tiyisli iskerlikti ámelge asırıwshı hám de bul iskerlikte qatnasıw etiwshi organlar hám shólkemler de belgilengen. Úshinshiden,informaciya óniminiń jasqa tiyisli klassifikaciyaların anıqlaw kriteryaları hám de onı ekspertizadan ótkeriw tártibi belgilengen.
Bunda, ǵalaba xabar quralları, atap aytqanda, Internet jáhán informaciya tarmaǵındaǵı veb-saytlar, reklama quralları hám de taǵı basqa túrdegi informaciya kanalları arqalı tarqatılıp atırǵan informaciyalarda balalardı olardıń sawlıgına zálel jetkiziwi múmkin bolǵan informaciyadan qorǵaw maqsetinde 0+, 7+, 12+, 16+, 18+ jazıwların sáwlelendirisleri shárt. Jasqa tiyisli klassifikaciyanı belgilew ekspertlerdi qosqan halda informaciyanı óndiriwshiler hám taratıwshılar tárepinen informaciya mámleket aymaǵında tarqatıw baslangunga shekem ámelge asıriladı. Tiykar:“Balalardı olardıń sawlıgına zálel jetkeziwshi informaciyadan qorǵaw tuwrısında”gi Nızam Ministrler Mákemesiniń 2018-jıl 22-oktyabrdegi 848-san sheshimi menen tastıyıqlanǵan Informaciya óniminiń jasqa tiyisli klassifikaciyaların anıqlaw kriteryaları hám de onı ekspertizadan ótkeriw tártibi tuwrısındaǵı qaǵıyda |
+0