ARTQA Siziń nátiyjeńiz 0%

Bolani yashash hududiga biriktirilgan maktabdan boshqa maktabga joylashtirish tartibi qanday?

10:59 - 03.02.2025
265

Maktablarning imkoniyatidan kelib chiqib mikrohududdan tashqaridan qo‘shimcha bolalar qabul qilinishi mumkin. Buning tartibi Vazirlar Mahkamasining 2022 yil 1 iyundagi qarorida belgilab qo‘yilgan.

O‘quvchi o‘rniga nisbatan ta’lim olayotgan o‘quvchilar soni ko‘p bo‘lgan maktablarda mikrohududdan tashqaridan qo‘shim­cha bolalar qabul qilishga yo‘l qo‘yilmaydi.

Mikrohududdan tashqaridan bolalar 1-sinfga har yili 1 – 15-avgust kunlari qabul qilinadi.

Ota-onalar yoki boshqa mas’ullar yuqoridagi muddatda bo‘sh joy bo‘lgan maktablarni my.gov.uz yoki my.maktab.uz portallari orqali tanlab ariza yuboradi.

Ariza 1 kunda ko‘rib chiqilib, bolani maktabga qabul qilish yoki rad etish haqida qaror qabul qilinadi.

Bola maktabga qabul qilinsa, ota-onalar yoki boshqa mas’ul­lar uch ish kuni ichida bolaning sog‘lig‘i haqidagi ma’lumotno­mani avvalgi maktabdan olib yangi maktabga topshiradi.

Bolani maktabga qabul qilish rad qilinsa, o‘zi biriktirilgan hududdagi maktabga yo‘naltiriladi.

Onlayn hujjat topshirmaydigan hududlarda, boshqa mikro­hududdagi maktabga hujjat topshirish ota-onalar yoki bosh­qa mas’ullarning maktabga shaxsan borishlari orqali amalga oshiriladi.

Chat